Sambutan

HATA PATUJOLO

Horas  ma di hita sude Gomparan ni Ompunta Guru Mangalaham Niaji Sibuea/ br Sirait dohot  boru se Jabodetabek

Sada sihalashonon ni rohanta do parngoluon dohot paradaton napinungka ni ompunta na parjolo, ala boi do i mangarahut dohot padengganhon hubungan keluarga, dohot parsaoran di masyarakat, khususna di halak Batak.

Alani, porlu do jagaonta asa hubungan kekeluargaan i asa unang mago, jala torus manghorhon tu hadengganon.

Dipardalanan ni punguanta dibagasan na piga taon on nunga mardalan nian dohot denggan, di periode pengurus na imbaru on adong do perubahan taringot tu hak dan kewajiban na tercantum di AD/ART sebelumna, kewajiban punguan tu ulaon Anak mangoli, tu Boru muli jala tu ruas na namonding Ama / Ina, taringir tu perubahan kewajiban ni punguan nunga boi denggan mardalan alai porlu do tapatupa lebih denggan molo kewajiban ni ruas denggan mardalan terutama ma di Uang Iuran siganup taongodangna per keluarga na di koordinir mar-ompu-ompu.

Suang songoni nang tu gomparan ni Ompunta Guru Mangalaham Niaji Sibuea molo binereng tu data na adong di parserahan, nunga martamba-tamba bilangana, diperkirahon do hira-hira lebih 1500 KK. Alai menurut pengamatan, torop dope Gomparan ni ompunta naso terdaftar nang pe nunga godang usaha na dipatupa Pengurus, sai anggiat ma di taon namangihut lam tu singkopna patupaonni Pengurus.

Marhite holong na sian Tuhanta, dohot dionjar keinginan na luhur sian sude anggota keluarga ni Ompunta, sian Pengurus hu pasahat hami ma Buku Anggaran Dasar dan Anggaran Rumah Tangga, susunan Pengurus dohot daftar ruas ni “PUNGUAN GOMPARAN  GURU MANGALAHAM NIAJI SIBUEA“. Asa tajaha ma buku on jala rap mangulahon ma hita di bagasan holong dohot las ni roha, jala sai anggiat ma di pasupasu Tuhanta.

Horas Tondi Madingin, Pir Tondi Matogu.

Jakarta, 11 Maret 2018

Ketua Umum

Ir. Waller Sibuea